18:17 02.02.2026 16+
Чөөн-Хемчик кожуун чагыргазының хуралдаар залынга хуралга Тывада Улусчу фронтунуң регионда күүсекчи комитединиң даргазы Саима Маадыр-ооловна Далчин, Тываның Дид-ламазы Лопсан башкы Ким Доржуевич Монгуш тускай шериг операциязынче гуманитарлыг дуза чедирериниң талазы-биле тус-тузунда дыңнадыгларны кылгаш, эрес-дидим дайынчыларга чугула херек дериг-херекселдерни чорударын чыылганнарга ажыт-чажыт чогу-биле чугаалааш, айтырыг салганнарга ажыктыг арга-сүмени катканнар.
Чөөн-Хемчик кожууннуң чагырга даргазының социал-политика талазы-биле оралакчызы Джамиля Монгуш - биле "Чылыг чүректер" волонтерлар пунктузунуң удуртукчузу Нина Монгуш медальдарны тывысканнар.
"Тускай шериг операциязынга Маадырлыг, эрес-дидим чорук" деп медальды Омак Серен-оолга тывыскан. "Улус өөредигезинге үлүг-хуузу" деп медальды Хайыракан ортумак школазының хоочун башкызы Любовь Күжүгетке, "Тускай шериг операциязының үезинде күш-ажылчы чедиишкиннери дээш" деп медальды Чадаанада күш-культура болгаш спорт комплекизиниң директору Тухемел Кенденге, "Эки-турачы волонтер" деп шаңналды хоочун эмчи Галина Ховалыгга, "Фронтуга дуза" деп медальды тус черде "Чылыг чүректер" волонтерлар бөлүүнүң эң идекпейжизи, баштайгы үеден бээр камгалал четкилер өрүп белеткежип келген Людмила Монгушка, "Ада-чурттуң Улуг дайынынга Тиилелгениң 80 чылы" деп юбилейлиг медальды Борис Ондарга тывыскан. Ол ышкаш өөрүп четтиргениниң илередиг бижиктерин Зинаида Сатка, Аиша Кара-Монгушка, Чодураа Ондарга, Сайын Дас-оолга, Оюна Ооржакка,Ираида Ховалыгга, Белекмаа Сегленмейге, Урана Кууларга тывыскан. Чадаанада Монгуш Мерген-Херел аттыг культура бажыңынга Шагаага тураскааткан номналдар эрткен.
20
Оставить сообщение: