Россияның Президентизи Владимир Владимирович Путин: "Тускай шериг операциязының чорудуунуң үезинде бистиң Российжи хөй националдыг шериглеривис бедик профессионал...

Россияның Президентизи Владимир Владимирович Путин: "Тускай шериг операциязының чорудуунуң үезинде бистиң Российжи хөй националдыг шериглеривис бедик профессионал деңнелде эгин-кожа демисежип, эрес-дидимин көргүзүп, маадырлыг чоруктарны кылып турарлар. Россияның күчү-күжү, чөптүг чоруу дээш чонунуң деткимчезин бистиң дайынчыларывыс ханы медереп турар" диген.

Чадаананың №2 ортумак школазының баарында шөлчүгешке март 28-те тускай шериг операциязынга мөчээн маадыр өөреникчилериниң аттарын мөңгежиткен митинг болуп эрткен. Школаның мурнуку шөлүнге маны даштан самбыраларны кылгаш, ак пөс-биле шып каан.
Школада аныяк армейжилерниң бөлүү маадырлаларның, ада-иелери, кадайлары, ажы-төлү, чоок кижилери болгаш Чадаананың №2 ортумак школазының башкылары,Чөөн-Хемчик кожуун, Чадаана хоорай чагыргаларының даргалары, өөредилге, культура эргелелдериниң, шериг комиссариадының ажылдакчылары, долгандыр чыскаалып турупканын барымдаалап, аныяк армейжилер бөлүү шериг езу-биле чаңгыс кижи дег марш-биле Россияның болгаш Тываның күрүне туктарын чыскаалга киирип келгеш, чаа ажыттынар самбыраның чанынга турупканнар. Россияның болгаш Тыва Республиканың ыдык ырлары чаңгыланган соонда, кожуунуң чагырга даргазы Айдыс Куулар митингиниң ажыттынганын чарлапкан.

Байырладың башкарыкчылары төрээн школазын дооскаш, школа соонда ортумак мергежилди чедип алган оолдар тускай шериг операциязы эгелей бээри билек, Ада-чурт камгалаар хүлээлгезин күүседип, дайынчы даалгаларны күүседип амы-тынын безин харамнанмаанын Алексей Санаа-биле Белекмаа Донгак кыска дыңнаткаш, патриотчу-кижизидилге угланыышкынныг хемчегниң ажытынганын, сактыышкынның минутазын чарлааннар. Чагырга даргалары Айдыс Дарый-оолович, Артыш Андреевич тураскаал самбыраның шывыын ажыдып мөгейигниң езулалын кылганнар.

Школаның доозукчулары, тускай шериг операциязының киржикчилери, маадыр дайынчыларывыс Ондар Чиңгистиң , Ооржак Артыштың, Херел Саттың ачалары Александр Дууй-оолович, Юрий Дугар-оолович, Мөңге Михайлович сос ап, тураскаалдыг самбыраны ажытканы дээш ооруп четтиргенин илереткеннер.

Дайынчы маадырларның допчу-намдарларын, школачы-чылдарын, эрес маадырлыг чоруктарын,ылаңгыя дайынчы хөделиишкинерге киржилгезин митингиниң башкарыкчылары микрофон дамчыштыр онзагай чарлап дыңнадырга, куйга-башты өрүмнеп турган дег, кударанчыг, уяаранчыг.

Тываның Улустуң артизи Мерген Хомушку Ада-чурттуң дайынының чылдарында чурттуң девискээринге чоннуң ынак шүлүү апарган Константин Симоновтуң “Мени мана!” деп шүлүүн аянныг номчаан.
Маадырларның өг-бүлелеринде эргим ажы-төлдериниң авалары, ынак эштери Солангы Хеймер-ооловна, Уранза Өпей-ооловна, Аянмаа Сарыгларовна ажы-төлдери-биле кызыл гвоздика чечектерни тураскаал-самбыраның адаанда тускай саваларга салып, мөгейгениниң соонда, Чөөн-Хемчикте Ада-чурт камгалакчыларынын комитеди,“Чылыг чүректер” ачы-дуза чедирер төптүн волонтерларының киржилгези-биле дириг чечектер салган мөгейиг-биле митинг доозулган.

Присоединяйтесь к нам в МАХ (max.ru/a_dzun), ВК (vk.ru/a.dzun), Телеграмм (t.me/dzunhemchik).