️Чурттакчы чонга туберкулез аарыындан канчаар камгаланып болурунуң дугайында удуртулга

️Чурттакчы чонга туберкулез аарыындан канчаар камгаланып болурунуң дугайында удуртулга

Туберкулез – кара сагыштыг, чажыт эртер, өске аарыг-биле дөмейлежип, чажыртынып болур аарыг. Эмнээшкинге багай алзыр, а нептерээри дыка дүрген болгаш чиик. Эгезинде бо аарыг кижини чүгле өлүмге чедирип турган болза, үезинде эмнээшкинни эгелээр болза, чайлыг ону тиилеп ап болур. Ынчангаш туберкулез дээрге, когун үзе эмнептер аарыг.

Ынчалзажок, туберкулезту организмче киирбезин кызыдар. А ол дээрге дараазында дүрүмнерни сагыыры чугула:

1. Кадык амыдыралды чорудар – шын чемненилге, доктаамал күш-культура, эки дыштаныры, таакпы, арага, наркотиктерден ойталаар.

2. Профилактиктиг эмчи шинчилгелери болгаш флюорографтыг шинчилгени чылдың-на ыяап-ла эртер. Кажан силерниң организмиңерде туберкулез бар дээрзи илереттине берзе, ук шинчилге орай болу бээр, ынчалза-даа силер эге чадада аарыгны эмнээшкинни эгелээр аргалыг болур силер. Аарыг ханылаваан таварылгада, эмнээшкинни үезинде эгелээри чугула.

3. Хууда арыг-силиг гигиеназын сагыыр. Үргүлчү бодунга арыг думчук аржыылы азы чаңгыс катап ажыглаар аржыылдар ап чоруур, кажанда-даа өске улус херекселдери, чемненир херекселдер ажыглаваңар!

4. Бир эвес чаш ажы-төлдүг болзуңарза, чогуур ужурлуг чугула тарылгаларны эрттирип ап туруңар – ол оларның чуртталгазын камгалап болур.

5. Бажың-балгадыңар арыг-силиг тудуңар. Чүгле туберкулезка удур эвес, а өске-даа аарыгларга удур хемчеглерге бажыңга доктаамал шык арыглаашкын хамааржыр. Өрээл иштин албан-биле агаарладыры чугула. Ол ышкаш эң-не кол чүүл – ымыраа-сээк, таракан аймаан узуткаңар, чүге дизе олар туберкулез аарыының нептередикчилери бооп болур.

6. Үе-шаанда диагностика болгаш туберкулезтуң эмнээшкини база долу эмнээшкин.

Быжыг кадыкшылды Силерге болгаш Силерниң чоок кижилериңерге күзедивис!

️Инга Донгурак фтизиатр эмчи