БАШКЫ БОЛГАШ ДАГДЫНЫКЧЫНЫҢ ЧЫЛЫН ТЫВАНЫҢ БАРЫЫН ТАЛАЗЫНГА ТҮҢНЭЭН

«БАШКЫ БОЛГАШ ДАГДЫНЫКЧЫНЫҢ ЧЫЛЫН» ТЫВАНЫҢ БАРЫЫН ТАЛАЗЫНГА ТҮҢНЭЭН

«Чаа орук» солун №2, 2024 чылдыҢ январь 25

Чадаанада Монгуш Мерген-Херел аттыг культура бажыңынга 2023 чылда Тыва Республикага чарлаттынган Башкы болгаш дагдыныкчының чылын түңнээн барыын талакы кожууннарда муниципалдыг тургузугларының байырлыг хуралы январь 20-де болуп эрткен.

Бажың-Алаак ортумак школазында немелде өөредилге төвүнүң башкызы Айдыс Ховалыг байырлыг хемчегни ажыдып, игилге тыва аялгаларны ыяңгылыг күүсеткен соонда, Чадаананың «Хээлер» уруглар садының самчылары «Соңгу чүктүң ивилери» деп танцы-самны күүседиптерге, адыш часкаашкыннары залга элээн үеде чаңгыланып турган.

Башкарыкчыларның чарлааны-биле эрткен 2023 чылда чурттуң Президентизи В.В. Путинниң айыткалы-биле башкы болгаш дагдыныкчының чылын түңнеп, Чадаана хоорайда Мөңгүн-Тайга, Өвүр, Сүт-Хөл болгаш Чөөн-Хемчик кожууннардан башкыларның, назы четпээн уруглар албан черлериниң кижизидикчи башкыларының киржилгези-биле эрттирип турарын демдеглээш, чаштар болгаш өөреникчилер кижизидилгезинге бүгү башкыларның киириштирген үлүүн бедии-биле үнелээш, бо хүн Бай-Хаакта, Ак-Довуракта болгаш Чадаана хоорайда чылды түңнээн хуралдарның эрттирип турарын чыылганнарга дыңнатканнар. Россияның болгаш Тыва Республиканың ыдык ырлары чаңгыланы бээрге, кижи болганы олуттарындан туруп келген.

Чөөн-Хемчик кожууннуң Баштыңы Инна Байыр-ооловна Монгуш болгаш Чөөн-Хемчик кожууннуң чагырга даргазы Алага Николаевич Ондар байыр чедиргеннер. Тыва Республиканың Чазааның Даргазының оралакчызы Алик Кертик-оолович Монгуш база байыр чедиргеш, Тыва Республиканың Чазааның өмүнээзинден шаңналдарны тывыскан.

Тыва Республиканың Баштыңының өөрүп четтириишкининиң илередиг бижиктерин Мугур-Аксының №1 ортумак школазының тыва дыл болгаш чогаал башкызы Чодураа Хүлер-ооловна Кара-Салга, Чадаананың № 3 ортумак школазындан технология болгаш уран чогаадылга башкызы Ольга Оюн-ооловна Кенденге, Сүт-Хөлде Ишкинниң «Хүнчүгеш» уруглар садының кижизидикчи башкызы Валерия Көшкен-ооловна Ооржакка, Алдан-Маадырда Ооржак Түмен-Байыр Арын-оолович аттыг школаның төөгү болгаш ниитилел эртемнериниң башкызы Елена Чечек-ооловна Ооржакка болгаш Чадаананың №3 ортумак школазының күш-культура башкызы Орлан Алдын-оолович Сатка тывыскан.

Тыва Республиканың Баштыңының хүндүлел бижиктери-биле Сүт-Хөлде Кара-Чыраада «Челээш» уруглар садының кижизидикчи башкызы Лариса Чамыяновна Донгак, Мөңгүн-Тайгада Мугур-Аксы ортумак школазының айыыл чок чорукту хандырарының үндезиннериниң кичээлдер башкызы Юрий Донгакович Доштуг-оолду шаёнаан.

Россияның чырыдыышкын яамызының хүндүлел-бижии-биле Чөөн-Хемчиктиң Теве-Хаяда «Улыбка» уруглар садының кижизидикчи башкызы Ульяна Семис-ооловна Донгак, Мөңгүн-Тайгада Мугур-Аксы №1 ортумак школазындан Анчымаа Кодан-ооловна Донгак, Чадаананың № 1 ортумак школазындан Снежана Спартаковна Куулар, Хөндергейниң «Херел» уруглар садындан Алимаа Билчиир-ооловна Монгуш, Бажың-Алаакта «Хүнчүгеш» уруглар садындан Нелля Анай-ооловна Монгуш, Сүт-Хөлде Кара-Чырааның «Челээш», Ишкинде «Хүнчүгеш» уруглар садтарындан Чеченмаа Херел-ооловна Монгуш, Айлаңмаа Чүпештээвна Ондар, Алдан-Маадырдан Раиса Шаңгыр-ооловна Монгуш, Чыраа-Бажы ортумак школазының тыва дыл чогаал башкызы Эдуард Омакович Монгуш, Чадаананың № 1 ортумак школадан эге класстар башкызы Аюхан Оттук-ооловна Ондар, Кызыл-Тайга ортумак школазындан эге класстар башкызы Елена Кыргысовна Ондар, Өвүрнүң Дус-Дагда «Шолбан» уруглар садының кижизидикчи башкызы Зинаида Осурбаевна Монгуш, Чадаананың № 2 ортумак школазының орус дыл болгаш чогаал башкызы Белекмаа Седи-Базыровна Ондар, Кара-Чыраадан, Суг-Аксындан Татяна Дартан-Караевна Ондар, Сайзуу Чечек-ооловна Ооржак, Мөңгүн-Тайганың Мугур-Аксының № 2 ортумак школазындан орус дыл болгаш чогаал башкызы Алдынай Чыртак-ооловна Ховалыг болгаш Чадаанада «Хээлер» уруглар садының психолог башкызы Чойганмаа Кууларовна Сат болгаш № 3 ортумак школаның организатор башкызы Олег Маңган-оолович Хертек шаңнатканнар.

«Хүндүлүг дагдыныкчы» деп хөрек демдектери-биле Суг-Аксында Тыва эки-турачылар аттыг школаның орус дыл, чогаал башкызы Ольга Дондуповна Ооржакты, Чыргакы ортумак школазындан Тамара Самбууевна Кууларны шаңнаан.

Хөй чылдар дургузунда өөредилге адырынга үлүү база үре-түңнелдиг ажылы дээш «Мергежилинге шынчызы» деп хөрек демдээн Баян-Тала ортумак школазында математика башкызы Наталья Чылбак-ооловна Монгушка, Алдан-Маадыр школазындан Екатерина Ыйдымбууевна Ондарга тывыскан.

«Россия Федерациязының уруглар болгаш аныяктар кижизидилгезиниң хүндүлүг ажылдакчызы» деп хүндүлүг атты Мөңгүн-Тайганың спортчу школазы» немелде өөредилге төвүнүң кикбоксинг тренери Оюн-оол Хүлер-оолович Чамыянга, Сүт-Хөлдүң Бора-Тайгада «Челээш» уруглар садының кижизидикчи башкызының дузалакчызы Татьяна Назын-ооловна Мартыс-оолга, Бора-Тайга школазының төөгү болгаш ниитилел эртемнериниң башкызы Марина Шаңгыр-ооловна Ондарга, Суг-Аксында «Чинчи уруглар садының» санитар ажаакчызы Чечек Ондар-ооловна Ондар болгаш Кызыл-Тайга школазының орус дыл башкызы Яна Маадыр-ооловна Ондарга болгаш Мугур-Аксы ортумак школазының башкызы Уран Михайловна Сүрүңмаага тывыскан.

Тываның өөредилге сайыдының оралакчызы Людмила Семдер-ооловна Ооржак дыка хөй башкыларга, уруглар садтарының кижизидикчилеринге хүндүлел бижиктер болгаш өөрүп четтириишкинниң илередиг бижиктерин тывыскан. Даңзыда аттарындан чүгле Чөөн-Хемчик кожууннуң башкыларын демдеглээр бодай-дыр мен. Тыва Республиканың өөредилге яамызының хүндүлел бижии-биле Чадаананың №2 ортумак школазындан эге класстар башкызы Долаана Ооржаковна Кууларны, «Хүндүлүг дагдыныкчы» хөрек демдээн Чадаананың № 3 ортумак школада күш-ажыл башкызы Татьяна Сатовна Күжүгетке тыпсып, бедии-биле үнелээн.