БАШКЫЛАРНЫҢ АВГУСТ ЧӨВҮЛЕЛ ХУРАЛЫ

БАШКЫЛАРНЫҢ АВГУСТ ЧӨВҮЛЕЛ ХУРАЛЫ

Монгуш Мерген-Херел аттыг Чадаана хоорайның культура бажыңынга 2023 чылдың август 29-та, Тыва Республиканың төөгүлүг Чөөн-Хемчик кожуунунуң бүгү башкыларының август Чөвүлел хуралы болуп эрткен.

Россияның, Тываның ыдык ырлары чаңгыланган соонда, Россияның өөредилге сайыды Сергей Сергеевич Кравцовтуң видеокөргүзүг дамчыштыр өөредилге системазында чаартылгалар дугайында дыңнадыын, байыр чедириишкинин бараалгаткан соонда, Чөөн-Хемчик кожууннуң өөредилге эргелелиниң удуртукчузу Айлаң Борисовна Куулар 2023 чылды башкы болгаш дагдыныкчының чылы кылдыр чарлааны-биле бирги чартык чылдың түңнелдерин үндүрген кыска отчетту берген.

“Тыва Республиканың алдарлыг башкызы” деп атты Хайыракан ортумак школазының хоочун башкызы Любовь Дакар-ооловна Күжүгетке Тыва Чазактың мурнундан байырлыг байдалга тывыскан. Тыва Республиканың өөредилге яамызының өөрүп четтиргениниң илередиг бижиин оралакчы сайыт Херел Маныевна Наксыл-биле координатор Сергей Михайлович Лопсан өөредилге эргелелиниң начальниги Айлаң Борисовнага тывысканнар.

Чөөн-Хемчик кожууннуң Баштыңының айтыышкыны-биле Чөөн-Хемчик кожуунга август Чөвүлел Хуралынга, чаа өөредилге чылынга тураскаадып, өөредилге болгаш кижизидилге ажылынга улуг үлүг-хуузун киирген башкыларга төлээлекчилер Хуралының Хүндүлел бижиктерин тывыскан. Олар дээрге, Шеми ортумак школазының чолаачызы Константин Сүт-оолович Ооржак, Чадаананың № 1 ортумак школазының бажыңының болгаш дериглериниң септелгезин чорудар ажылдакчызы Түмен Викторвич Монгушту, Элдиг-Хемниң санаторлуг школа-интернадының кижизидикчи башкылары Оюмаа Михайловна Ооржакты, Шолбана Бойдуевна Ооржакты, Чыраа-Бажы ортумак школазының одакчызы Ужар-оол Борисович Кууларны, ол-ла школада комплекстиг септелге болгаш хандырылга ажылдакчызы Хүлер-оол Шоюн-оолович Ооржакты, Чыраа-Бажында «Салгал» уруглар садының кижизидикчи башкызы Сырга Бора-ооловна Тагба-Доржуну, Хайыракан ортумак школазындан Аржаана Дугаржаповна Ховалыгны, Чыргакыда «Чинчилер» уруглар садының одакчызы Маадыр Дадар-оолович Сатты, Чадаанада «Малышок» уруглар садындан кижизидикчи башкы Орлаана Кызыл-ооловна Кара-Салды, одакчы Сайын-Белек Ужарович Монгушту, повар Азияна Маадыр-ооловна Кууларны Хүндүлел бижиктер-биле шаңнаан.

Өзүп орар салгалдарның өөредилге кижизидилгезинге болгаш кожууннуң сайзыралынга киирген үлүү дээш дараазында башкылар: - Теве-Хая ортумак школазында күш-ажылдың хоочуну, орус дыл болгаш чогаал башкызы Валентина Ивановна Кууларга, Хорум-Дагда «Хүнчүгеш» уруглар садындан кижизидикчи, күш-ажылдың хоочуну Кара-кыс Монгушовна Ирильге,өөредилге эргелелиниң материалдыг бөлүк бухгалтери, күш-ажылдың хоочуну Ирина Ак-кысовна Монгушка болгаш Чыраа-Бажы ортумак школазының күш-культура башкызы Херел Александрович Шагжыга хүндүлүг аттарны тывыскан.

«Чөөн-Хемчик кожууннуң сайзыралынга үлүү дээш»деп медаль-биле Хорум-Даг ортумак школазының технология башкызы Долаана Мөңгүн-ооловна Монгушту шаңнаан.Ч==н-Хемчик кожуун чагыргазының даргазының хүндүлел бижиктери-биле Чадаананың № 3 ортумак школазының эге класстар башкызы Чеченмаа Ензаковна Ондарны, Чадаанада Тываның технологтуг техникумунуң бүдүрүлге өөредилге мастерлери Чайка Владимировна Монгушту, Эльвира Дмитртевна Монгушту болгаш слесарь-сантехник Буян-Цо Казак-оолович Сатты, Чадаанада «уруглар садындан кижизидикчи башкылар Чайзат Александровна Монгуш, Чаяна Кошкар-ооловна Кара-Салды, Бажың-Алаакта «Хүнчүгеш» уруглар садындан Шеңне Бүүрекеевна Монгушту, Чыраа-Бажы ортумак школазындан Мая Ойдуп-ооловна Донгакты, Чаяна Чигир-ооловна Ондарны, ол-ла сумуда «Салгал» уруглар садындан Шораана Кошкар-ооловна Ооржакты база кижизидикчи башкы Белекмаа Ойнаар-ооловна Сатты,Хөндергей ортумак школазындан күш-культура башкызы Долаана Александровна Монгушту, Чадаанада № 1 ортумак школадан Алена Александровна Сарыглар, «Родничок» уруглар садындан Аржаана Алексеевна Аратнаны, хоорайның № 2 ортумак школадан эге класстар башкылары Алашмаа Хүлер-ооловна Ховалыг-биле Айдана Александровна Ховалыг, Хайыракан ортумак школазындан күш-культура башкызы Болат Байлакович Донгакты, Элдиг-Хемниң школа-интернадының чолаачызы Амир Алдын-оолович Монгушту, Хөндергейде «Херел» уруглар садының кижизидикчизи Марина Бавууевна Кууларны шаңнаан. Чадаана хоорайның чагыргазының даргазы Олеко Маадыевич Намчин, кожуун эмнелгезинден болгаш өске-даа адырларның төлээлери шаңналдарны тывысканнар.

Хуралдың түңнелинде Чөөн-Хемчиктиң башкылар коллективтеринге чаа өөредилге чылында ажылдап келген аныяк башкыларны, психолог тускай эртемниглерни таныштыргаш, оларга чогаадыкчы, тывынгыр ажылдаарын хоочун башкы Катерина Өнер-ооловна Куулар күзээн. Хуралдан чаа өөредилге чылында чурттуң Президентизиниң , өөредилге сайыдының салып турар мурнады хөгжүдер сорулгаларынга, өөредилге программаларынга дүүштүр негелделерни боттандырар талазы-биле тускай резолюцияны хүлээп алган.

Вячеслав МОНГУШ, “Чаа орук” солуннуң кол редактору