Тыва чоннуң чоргаар оглу Артас Санаа мөгениң улуг спорттан үнүп турарынга тураскааткан байырлал бо дыштаныр хонуктарда болуп эрткен. Аңаа тыва эр кижиниң үш оюну: аът чарыжынга, ча адарынга.

Тыва чоннуң чоргаар оглу Артас Санаа мөгениң улуг спорттан үнүп турарынга тураскааткан байырлал бо дыштаныр хонуктарда болуп эрткен. Аңаа тыва эр кижиниң үш оюну: аът чарыжынга, ча адарынга, тыва национал хүрешке шыырактарның шыырактары адааннашкан.

- Төрээн Тывавыстың төлептиг оглу Артас, муң-муң тыва оолдарның чоргааралы, хей-аъды. Олимпий оюннарының хүлер медалын тиилеп экелгеш, Тываның төөгүзүнде алдын үжүктер-биле бижээн чаа арынны ажыткан мөге оглувус. Артас дыка хөй оолдарга төлептиг үлегер-чижек болуп чоруур, - деп чаңгыс чер чурттуу Байбек Монгуш демдеглээн.

Россияның Маадырлары Чалым Чүлдүм-оол, Мерген Доңгак, Буян Куулар хүндүткелдиг мөгени деткип, байырлыг хемчегге киришкен.

Артас Санааның шаңналы дээш тыва ча адар оюннуң баг адар хевиринге Бай-Тайга кожууннуң төлээзи Айдың Хомушку тиилээш, шаңналынга LADA Granta машинаның ээзи болган.

Улуг болгаш аныяк аъттар чарыжынга тиилээн аъттарның ээлери LADA Granta машиналарны шаңналга алганнар

Тыва хүрешке Тыва Республиканың Начын мөгези Баткар Баасан шүүлгеш, LADA Granta машинаны шаңналга алган. Хартыга мөге Начын-Мерген Ооржак үжүүрлешкен, 3-4-кү шаңналдыг черлерни Чаан мөге Айдың Монгуш база Меңги Монгуш ээлээн.

ЧООН-ХЕМЧИК ПОДСЛУШАНОЗУ (Подслушано в Чадане)