ВЕРА БАЙЛАК АТТЫГ ЧАДААНАНЫҢ 4 ШКОЛАГА

ВЕРА БАЙЛАК АТТЫГ ЧАДААНАНЫҢ № 4 ШКОЛАГА

Чадаанада Ада-чурттуң Улуг дайынының киржикчизи Вера Чүлдүмовна Байлактың адын эдилээн №4 ортумак школазынга 2023 чылдың ноябрь 29-та, “ Аныяк армейжиге белеткен”, орус дылда “ Юнармейцем быть готов” деп эге класстарның хоочун башкызы Любовь Барыңмааевна Ондарның удурткан бирги класстың өөреникчилерин аныяк армейжилерниң кежигүнүнге хүлээп алырының байырлыг чыскаалы - массалыг хемчег эрткен.

2015 чылдың октябрь 29-та, Россия Федерациязының Президентизи Владимир Владимирович Путин “ Россияның өөреникчилериниң шимчээшкини” деп чаштар болгаш элээдилерниң ниитилел-политиктиг Бүгү-Российжи күрүне организациязын тургузар дугайында Айыткалга атты салган. 2016 чылдың сентябрь 1-де, Россияның Камгалал сайыды Сергей Күжүгетович Шойгунуң эгелээшкини-биле школачыларның шериг-патриотчу угланыышкынныг Бүгү-Российжи “Аныяк армейжи”- “Юнармия” шимчээшкин ажылдап эгелээн.

Чадаананың № 4 ортумак школазының хуралдаар залынга Россияның болгашТыва Республиканың ыдык ырлары чаңгыланы бээрге, залда ыржым турупкан.

Школаның директору Чечена Чунаевна Ондар келген аалчыларга, ада-иелерге болгаш өөреникчилерге, бирги классчыларга байыр чедирип, патриотчу кижизидилгелиг хемчегниң ажыттынганын чарлаан. Сценаже чаңгыс-аай сарыг шериг хептерлиг, кызыл беретка бөрттерлиг оолдар, уруглар марш-ырының, адыш часкаашкыннарының үделгези-биле үнүп келгеннер.

“Аныяк армейжи” шимчээшкинниң кежигүнүнге кирери-биле ыдыктыг даёгыракты шээжи-биле аяныг номчуп чугаалаан соонда, оларны “Аныяк армейжилер ” кылдыр хүлээп алган. Ийиги классчылар шотланд улустуң самын күүседип байыр чедиргеннер. Байырлыг хемчегге Чөөн-Хемчик кожууннуң өөредилге эргелелиниң өөреникчилер аразынга кем-херек үүлгедиглерин болдурбас дээш профилактка талазы-биле ажылдап турар кол специалист Салбак Уйнук-ооловна Ооржак, кижизидилге талазы-биле башкарыкчы специалист Ольга Сергеевна Кыргыс, Чөөн-Хемчик, С\т-Хөл кожууннарның шериг комиссариадының келдириишкин салбырының даргазының улуг дузалакчызы Байлак Викторовна Ондар болгаш “ Чаа орук” солуннуё кол редактору киришкеш, эки өөредилгени, быжыг сагылга-чурумнуг болурун чагып, келир үеде Чадааназының, Тыва Республиканыё, хөй националдыг чоннуң ынак төрээн чурту - калбак делгем девискээрлиг Россияның төлептиг, эртем - билиглиг хамаатылары болурун күзээннер.